“Martohem në fund të korrikut” Nga arresti i shtëpisë, zyrtarja e Bashkisë Lushnje kërkon lirinë

“Ju lutem ma hiqni masën e ‘arrestit të shtëpisë’, martohem në fund të korrikut.”

Kjo ishte kërkesa e një prej zyrtareve të Bashkisë së Lushnjes.

Ajo ra në pranga me urdhër të SPAK, në lidhje me abuzimet për një tender.

Mësohet se Ani Simoni ka kërkuar sot para togave të zeza të Gjykatës së Posaçme për Korrupsion dhe Krimin e Organizuar, lehtësim të masës kundër saj pasi në fund të korrikut kishte caktuar ditën e dasmës.

Por pavarësisht kërkesës së saj, GJKKO ka refuzuar kërksën e zyrtares së bashkisë.

Simoni, zyrtare e Ndërmarrjes së Pasurive Publike në Bashkinë e Lushnjës akuzohet për veprën penale të ‘Shkeljes së Barazisë së pjesëmarrësve në tendera apo ankande publike’, kryer në bashkëpunim.