Dosja e bujshme “184”/ Shtyhet sërish seanca, dy të pandehur marrin vendimin që nuk pritej

Dy nga 4 të pandehurit e dosjes “184” në Dibër kanë dalë sot para togave të zeza në seancën e rradhës.

Ata akuzohen për ndikimin te votuesit në zgjedhjet për Bashkinë Dibër në vitin 2016.

Ndërkohë, mësohet se katër të pandehurit kanë 2 gjyqtarë, duke i zhvilluar seancat të ndara.
Nuri Meda dhe Drini Gjeci, seanca ndaj të cilëve ishte sot në orën 13:00, kanë kërkuar gjykim të shkurtuar. Por në mungesë të avokatëve, seanca ndaj tyre është shtyrë për në datën 22 korrik.

Ndërsa, seanca e radhës për dy të pandehurit e tjerë Robert Aga e Hasan Hoti, do të mbahet me datë 12 Korrik.