“Gjendja e tij është e rënduar” I rrëmbyen të birin, babai i 12 vjeçarit rrëfen takimin e parë me të

Flet babai i 12-vjeçarit nga Bathorja që humbi kontaktet me familjen e tij prej 2 ditësh.

Ai rrëfeu momentet e ankthit në emisionin me “Zemër të hapur”, por edhe takimin emocionues me të birin në komisariatin e Sarandës, pasi i mituri u gjet në rrugët e këtij qyteti.

“Gjendja e djalit është shumë e rënduar, është i trembur, nuk e shikoj aspak mirë. Djali ka pasur dhunë fizike, ai ka kërkuar të rikthehet në shtëpi por nuk i është lejuar. Fjeta dy orë me të mbrëmë, nuk ishte i qetë, ngrihej i trembur natën.

Kur më pa dhe më tha “shyqyr babi që erdhe dhe më gjete” me hodhi duart në qafë. I  falenderoj komisariatin pasi ma kanë trajtuar shumë mirë djalin. Faleminderit edhe prej jush për gjithçka bëtë, që arrita ta gjej djalin”- tha babai i 12-vjeçarit.