E papritur/ Gripi i shpendëve shfaqet edhe në Fier, asgjësohen 120 krerë, dezinfektohet ferma

Gripi i shpendëve është shfaqur edhe në një fshat të rrethit të Fierit. Bëhet me dije se në fshatin Adë të njësisë administrative Frakull janë asgjësuar 120 krerë të prekura me grip shpendësh.

Gazetari i ‘Balkanëeb’ Ervis Kuçi raporton se ferma është dezinfektuar dy herë, ndërkohë që shpendët e sëmura janë groposur.

Përmendim faktin se kjo nuk është hera e parë që një grip i tillë shfaqet në vendin tonë, pasi raste të tilla janë regjistruar më herët edhe në Tiranë, Korçë e në Elbasan.