Gramoz Ruçi bën një hap pas, heq dorë nga vendimi që shkaktoi bujë të madhe

Një vendim i marrë pak kohë më parë nga Kuvendi i Shqipërisë shkaktoi bujë të madhe dhe protesta ndër rradhët e raportuesve të politikës.

Bëhet fjalë për të mbyllur dyert për gazetarët në seancat e komisioneve.

Por mësohet se së fundmi ky vendim është hequr, ku tashmë gazetarët dhe kamerat do të lejohet të marrin pjesë në të tilla mbledhje.

“Kuvendi tërhiqet. Lejon gazetarët dhe kamerat të hyjnë në Komisione,”- shkruan Konomi krah fotos ku shihet dhe vendimi i marrë nga Kuvendi i Shqipërisë.

“Lidhur me kërkesën për lejimin e prezencës fizike të gazetarëve në komisionet parlamentare si dhe lejimin e përdorimit të aparateve celularë në ambiententet e komisioneve nga ana e tyre, kjo kërkesë merret në konsideratë, duke u mundësuar atyre aksesin e plotë të çdo informacioni, përtej asaj që mundëson sistemi,”– shkruhet ndër të tjera në vendim.