“Sa më erdhi informacioni” I zhdukur prej dy ditësh, babai njofton gjetjen e 12-vjeçarit në Sarandë

Ishte zhdukur para dy ditësh, gjendet 12-vjeçari nga Durrësi.

I mituri u largua nga banesa, ndërkohë mësohet se pas thirrjeve të babait të tij Gazmendit, ai është gjetur në Sarandë.

Në një thirrje telefonike për programin “Me zemër të hapur”, ai tha se sapo e kishte marrë informacionin dhe nuk i ka mbajtur dot lotët.

“Motra sa më erdhi një informacion, e kanë gjetur djalin. Unë tani jam në Fier, rrugës për në Sarandë. Faleminderit shumë të gjithëve, faleminderit ju, faleminderit Policisë së Shtetit”, tha babai.

Edhe shefi i policisë së Sarandës Syrja Bellaj konfirmoi gjetjen e djalit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Është në gjendje të mirë, po shoqërohet në Komisariat për t’u intervistuar dhe për të mësuar se çfarë ka ndodhur. Është vetëm djali”, tha ai.

Ka qenë babai i tij, i cili ka apeluar ndihmë nëpërmjet rrjeteve sociale dhe ka deklaruar se djali 12-vjeçar është larguar nga banesa pa asnjë njoftim. Mes lotësh dhe dhimbjes babai i 12-vjeçarit ka rrëfyer se ka ndodhur edhe herë të tjera largimi i tij nga banesa, por që nuk ka tentuar kurrë që të mos kthehej.