LIGJET E BIZNESIT
“Dëgjova një shpërthim të fuqishëm dhe pamë një re të madhe tymi”. Kjo ishte deklarata e një dëshmitari të ngjarjes së rëndë që ndodhi paraditen e sotme në një gomisteri në Durrës, ku pas shpërthimit të një gome ndërroi jetë një i ri 20-vjeçar. Bëhet fjalë për Rafael Tafa, punonjës në këtë gomisteri.
Gazetarja Klodjana Haxhiaj ka siguruar për ‘Balkanëeb’ dëshminë e një qytetari, që tregoi atë që kishte ndodhur në gomisteri.
Ai pohoi se shpërthimi ishte tepër i fuqishëm dhe presioni pas çarjes së gomës kishte bërë që i riu të zhvendosej disa metra më tutje, pranë disa hekurave. Në lidhje me këtë ngjarje, dëshmitari akuzoi ambulancën dhe policinë se mbërritën me vonesë në vendin e ngjarjes, ndërsa theksoi se ndihma e parë të riut iu dha me shumë vonesë.
“Isha në kafe në kat të dytë dhe dëgjova një shpërthim të madh. Dola jashtë dhe pamë një re tymi të bardhë. Zbritëm poshtë dhe pamë që djali, 2 metër, e kishte zhvendosur fuqia e gomës disa metra dhe e kishte mbështetur pas disa hekurave nga presioni. Lajmëruam urgjencën menjëherë dhe policinë. Urgjenca mbërriti me shumë vonesë. Askush nga ne s’ja jepnim dot ndihmën. Pritëm me ankth që të vinte urgjenca, se ndoshta dhe shpëtonte.
Mbërriti shumë vonë makina e urgjencës. 15 minuta pas urgjencë s’mbërriti dhe policia. E njihnim si djalë shumë punëtor. Punën e kishte afër me shtëpinë. Ai ishte shembull i shkëlqyer e një të riut që mbante familjen me bukë. Asnjë nuk ndërhyri për ta ndihmuar për shkak se mos e lëndonim. Fuqia e gomës kur e ka fryrë e ka shtyrë tek hekurat”, tha ai.
