“Parcelat në Skrapar”/ Artan Hoxha: Si doli emri i fshatit të Metës tek dosja e drogës

Për prokurorin i cili është në “arrest shtëpie” për dosjen e drogës Maksim Sota, gazetari i njohur Artan Hoxha tha se para dy javësh ka nisur një procedim në Vlorë dhe deri më tani pas udhëzimeve të dhëna nga italianët janë asgjësuar 50 mijë rrënjë kanabisi.

Gazetari Artan Hoxha, duke u kthyer tek politizimi i rastit tregon sesi tërthorazi është “përfshirë”  kreu i shtetit Ilir Meta.

“Që nga 2014, goditëm Lazaratin dhe jo financat dhe kokat e Lazaratit. Aty kishim kuadrot. Dhe kemi mbjellë gjithë këtë histori. Prandaj del ky Duçollari thotë kam mbjellë shumë në Skrapar me një të Lazaratit.

Ai ka vajtuar dhe ka mbjellë, a e di në cfarë fshati thotë? Në fshatin e Presidentit, Çepan thotë, kam mbjellë. Unë vij nga ajo zonë dhe e kam idenë dhe kam përshtypjen se është një çikë më tej, nuk është ajo zonë.

Kjo e politizon çështjen. Kam frikë se dikush ka qenë i interesuar që ta lëvizë nga ai fshat, e ka çuar në Çepan, prandaj politizohet historia, që aty brenda, ne kemi materiale, që Çepani bëhet lidhja” tha Hoxha.