“Frikacaku, e mbyti në gjumë” Dhëndri i mori jetën së bijës, flet babai i Carolines

Babai i vajzës Caroline që e vrau dhëndri pilot në Greqi, David Crouch ka folur për vdekjen e vajzës së tij, duke thyer heshtjen për herë të parë.

Gjatë një interviste për televizionin vendas MEGA, ai e cilësoi vrasësin e 20-vjeçares, Babis Anagnostopulos si një frikacak, i cili priti që Caroline të flinte, në mënyrë që ai ta vriste.

Ai kërkon drejtësi për jetën për vrasjen e vajzës së tij, ndërsa i referohet gjithashtu dyshimeve që Babis Anagnostopulos është i përfshirë në veprimtari të paligjshme, duke pretenduar se nëse Caroline do ta dinte, patjetër që do ta kishte përmendur.

“Vajza ime ishte një vajzë shumë e zgjuar dhe shumë e sinqertë. Ajo nuk do të mbështeste asgjë të paligjshme. Nëse ajo do të mësonte diçka, do ta kishte përmendur atë. Dhe unë mendoj se mbase kjo është gjëja që ajo synonte të bënte. Fatkeqësisht,  u vra ndërsa ishte duke fjetur. Ajo që e bën më keq gjithë ngjarjen, për mendimin tim, është se ai ishte kaq frikacak. Ai e vrau atë ndërsa ajo ishte duke fjetur. Priti derisa ajo ra në gjumë dhe pastaj ai e vrau atë”, tha David Crouch.

Babai fatkeq foli edhe për mbesën e tij, Lydia , duke theksuar se ai synon ta rrisë atë që të duket si vajza që humbi kaq padrejtësisht në shtëpinë e Glyko Nera.

“Vajza është mirë dhe e lumtur. Ajo është me gjyshen e saj dhe është e lumtur. Të gjithë e duan këtu. Është me Susan, ajo e merr atë për shëtitje të shkurtra. Dua të kujdesem për mbesën time dhe ta rris atë që të duket si nëna e saj,“-tha ai.