LIGJET E BIZNESIT
Zbardhet dëshmia e rojes së magazinës për policinë, në lidhje me krimin e ndodhur sot në mesditë në fshatin Bubq të Krujës, ku bashkëshorti vrau gruan me thikë duke e lënë të vdekur.
“Fillimisht mendova se ishin në momente intime, dhe u afrova për t’i larguar, por më pas pashë viktimën të mbuluar me gjak, atëherë njoftova policinë”, ka thënë punonjësi i sigurisë.
Ka qenë pikërisht ky i fundit, që ka njoftuar policinë pasi ka pikasur makinën tip ‘Ford”, në të cilën 51 vjeçari Artan Ismalaja qëlloi për vdekje me thikë bashkëshorten e tij, 45-vjecare Klarita. “U afrova për t’i larguar” mësohet të jetë shprehur ai.
Ngjarja e rëndë u shënua në fshatin Bubq, të Krujës mesditën e sotme. Burime nga blutë e Krujës thanë se viktima ka patur shumë shenja thike në trup, c’ka mendohet sipas tyre të jetë tortuar nga bashkëshorti.
Sipas policisë, çifti ka hyrë brenda territorit të objektit duke ndjekur një kamion, i cili është futur për të shkarkuar ushqim për lopët, pasi magazina është stalle lopësh. Ndërkohë, të paqarta janë motivet pasi policia e Krujës deklaron se nuk kanë asnjë dijeni pasi çifti prej vitesh jetonte në Tiranë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Po ashtu nga pohimet e familjarëve të tyre, mësohet se çifti nuk ka patur probleme. Aktualisht 51-vjeçari ndodhet në spital, në gjendje të rëndë për jetën, pasi goditi disa herë me thikë edhe veten.
