Zbardhen detajet tronditëse/ Jetonin në Tiranë prej vitesh, si e vrau kameramani gruan e tij, flasin familjarët

Dalin detajet tronditëse nga ngjarja e rëndë që ndodhi sot në Bubq të Krujës ku një burrë vrau bashkëshorten me thikë dhe pastaj tentoi vetëvrasjen.

E gjithë skena makabre u shënua rreth orës 10:45, në një magazinë të zonës.

Mësohet se autori i dyshuar i krimit është 51-vjeçari Artan Ismalaj, me profesion kameraman, teksa ishte në mjetin e tij tip “Ford” bashkë me gruan, Klaritën, 45 vjeçe, në rrethana ende të paqarta kanë hyrë brenda në magazinë.

Sipas policisë, çifti ka hyrë brenda territorit të objektit duke ndjekur një kamion, i cili është futur për të shkarkuar ushqim për lopët, pasi magazina është stalle lopësh. Ndërkohë, të paqarta janë motivet pasi policia e Krujës deklaron se nuk kanë asnjë dijeni pasi çifti prej vitesh jetonte në Tiranë.

Sipas informacioneve çifti në fjalë ka në pronësi të tyre një dyqan pranë fakultetit të Inxhinierisë.

Po ashtu nga pohimet e familjarëve të tyre, mësohet se të dy nuk kanë patur probleme më herët me njëri-tjetrin. Aktualisht 51-vjeçari ndodhet në spital, në gjendje të rëndë për jetën, pasi goditi disa herë me thikë edhe veten.