Rra hën mizorisht dhe plagosën me armë të riun në një bar-kafe, dy shqiptarët shpallen në kërkim

Një 20-vjeçar ka mbetur i plagosur në Halkidiki orët e para të së dielës në një bar-kafe. Autorë të krimit dyshohet se janë disa shqiptarë.

Burime nga policia bëjnë me dije se shtatë persona, disa në një motor dhe të tjerë në një makinë, shkuan në kafenenë në Pefkochori dhe sulmuan të riun. Pavarësisht se 20-vjeçari tentoi që t’i shpëtonte agresorëve ata e goditën atë me grushta, ndërkohë që njëri prej tyre e qëlloi me pistoletë, duke e plagosur në kofshën e djathtë. Menjëherë pas kësaj ndodhie, grupi i autorëve të krimit u largua nga kafeneja, teksa 20-vjecari u transportua menjëherë në spital.

Nga hetimi i kryer nga forcat policore, rezulton se dy nga tre autorët e plagosjes dhe rrahjes së 20-vjeçarit u identifikuan pak më vonë. Ata janë dy shqiptarë përkatësisht 21 dhe 29 vjeç, që thuhet se i përkasin një grupi bande në Selanik.

Sipas policisë, 21-vjeçari është person me precedent të mëparshëm penal, pasi në tetorin e vitit të kaluar është liruar nga burgu, ndërsa po gjykohet në shkallën e 2-të për tentativë vrasje, mbajtje pa leje dhe përdorim të një arme.

Mediat e huaja shkruajnë se motivi i sulmit të së dielës ndoshta janë mosmarrëveshjet financiare lidhur me “mbrojtjen”, që kërkohen nga anëtarët e grupit të zhvatësve në zonën e Halkidiki. Policia Greke po kryen hetime për të gjetur dhe arrestuar autorët.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern