Policia përdori dronë për ta gjetur/ Pas dy ditësh kapet burri që plagosi motrën me armë

Vetëm dy ditë ka zgjatur arratia e Seit Danajt, 60-vjeçarit i cili në datën 2 korrik, qëlloi me çifte motrën e tij Bukuroshe Hoxha duke e lënë atë të plagosur.

Blutë e qytetit bregdetar thonë se 60-vjeçari ka qenë nën efektin e alkoolit në momentin kur ka ndodhur ngjarja.

Seit Danaj do të akuzohet për veprat penale “Vrasja për shkak të rrethanave familjare”, mbetur në tentativë si dhe “Prodhimi dhe mbajtja pa leje e armëve të gjuetisë dhe sportive”.

Ndërkohë e motra ndodhet në spital, jashtë rrezikut për jetën. Pas plagosjes, autori i dyshuar u largua duke u fshehur në një zonë pyjore në afërsi të fshatit ku ndodhi ngjarja. Zona është e pyllëzuar dhe policia përdori edhe dronë në përpjekje për të lokalizuar 60-vjeçarin.

Ndalimi i këtij shtetasi u bë pasi në datën 02.07.2021, gjatë një konflikti për motive të dobëta dyshohet se nën efektin e alkoolit, ka plagosur me armë gjahu (çifte), në  këmbë, motrën e tij, shtetasen me iniciale B. H., 66 vjeçe, e cila ndodhet në spital, jashtë rrezikut për jetën.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern