LIGJET E BIZNESIT
Skafistët e penduar të dosjes “Tahiri”, Fiqiret Seferi dhe Ferhat Ajdini, thonë në rrëfimin e tyre para drejtësisë se kanë patur mbështetje të fortë në policinë e Durrësit dhe e kryenin të qetë aktivitetin e tyre të trafikut të drogës. Dëshmitë e tyre fundosën po ashtu zyrtarë të lartë të drejtësisë dhe policisë, përfshirë dhe dy ish-pjesëtarët e grupit të shoqërimit të ish-ministrit të Brendshëm, Saimir Tahiri.
Nga dosja hetimore e SPAK, rezulton se pasi kanë trafikuar një sasi të madhe hashashi, ata janë kthyer në Shqipëri. Në kufij ata janë ndaluar pasi kishin kaluar në mënyrë të paligjshme teksa me ndërhyrjen e Sajmir Kurtit, drejtor në Bashkinë e Kavajës, janë lënë të lirë
“Policia e Kavajës ishte në dijeni për një udhëtim me drogë të bërë nga unë për në Itali, bashkë me Ajdinin. Më lanë të lirë, pasi djali im pagoi 6 mijë euro dhe ia dorëzoi personalisht kreut të Antikrimit Kavajë, që mesa mbaj mend quhet Mandi, ndërkohë që unë duhet të isha arrestuar për atë që kisha bërë. Policia e Kavajës ishte nën këmbët e Saimir Kurtit’, -e mbyll dëshminë skafisti i penduari.
Rrëfimet e të penduarve ndihmuan Antimafian dhe SPAK të të godasë në kuadër të operacionit ‘Shpirti’, pjesëtarët e katër grupeve që trafikuan 6 tonë hashash përgjatë viteve 2014-2017.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
