Varianti Delta/ Deklarata e kreut të OBSH: Ja sa shtete ka prekur deri më tani

Kreu i OBSH Tedros Adhanom Ghebreyesus ka deklaruar i shqetësuar pasi varianti “Delta” i C OVID19 ka prekur 98 shtete të botës.

Deri më tani varianti indian i koronavirusit ka njohur një shtrirje të madhe.

Ghebreyesus kërkoi që qeveritë dhe autoritetet e shëndetësisë të jenë të kujdesshme me lehtësimin e masave, pasi është vënë re se varianti Delta po vijon të ndryshojë.

Kreu i OBSH paralajmëroi se ky variant do të bëhet shumë shpejt mbizotërues në të gjithë botën, dhe vende të caktuara mund të hyjnë në një tjetër fazë të rrezikshme të pandemisë.

Varianti Delta u shfaq fillimisht në Indi, dhe konsiderohet më ngjitës se virusi tradicional. Ekspertët thonë se mbrojtja më e mirë është marrja e një vaksine.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern