Karroca i pret rrugën furgonit dhe përfundon në kanal, humb jetën drejtuesi i saj

Një aksident me pasojë vdekjen ka ndodhur në aksin Lushnjë- Berat, mëngjesin e sotëm .

Një furgon tip Benz me targa AA 057TU ka përplasur shtetasin Kostandin Verushi i cili udhëtonte me karrocë me gomar, pranë fshtatit Stan Karbunare.

Si pasojë Kostandin Verushi ka ndërruar jetë rrugës për në spital.

Drejtuesi i karrocës ka dalë nga rruga dytësore për të kaluar në anën tjetër të autostradës. Drejtuesi furgoni i cili vinte nga Lushnja në drejtim të Beratit e ka venë re dhe ka frenuar, por nuk ka mundur ta shmang goditjen.