Tiranë/ Nënë e bir me urgjencë në spital, u plas bombola e gazit në shtëpi

Një bombol gazi ka shpërthyer në një banesë në Tiranë në rrugën “Ali Kelmendi” dhe për pasojë janë dëmtuar lehtë nënë e bir.

Policia njofton se ata janë dërguar me urgjencë në spital për të marrë ndihmë mjekësore.

Tiranë/Informacion paraprak

Me datë 30.06.2021, rreth orës 20:00, në rrugën “Ali Kelmendi” ka plasur një bombul gazi në banesën e shtetases Z. Sh. Si pasojë janë dëmtuar lehtë shtetasit Z. Sh dhe R. Sh (nënë e bir) të cilët u dërguan në spital, për të marrë ndihmë mjekësore.

Grupi hetimor po punon për sqarimin e rrethanave të ngjarjes.