I takoi të gjithë përveç Metës/ Tedi Blushi tregon pse Reeker nuk e takoi Presidentin

Zyrtari i DASH, Philip Reeker nuk ka kërkuar asnjëherë  zyrtarisht që të zhvillojë një takim me Presidentin Ilir Meta, të paktën kështu konfirmon, Zëdhënësi i Presidencës Tedi Blushi.

Zëri i Amerikës,raportoi më herët se sipas një zëdhënësi të ambasadës amerikane, Reeker nuk u takua me Presidentin Ilir Meta për arsye axhende.

Por në një prononcim për SYRI TV, Blushi tha se nga institucioni i presidentit nuk ka pasur asnjë kërkesë nga çdo lloj niveli për takim me Reeker.

Ndihmës Sekretari i Shtetit në Detyrë për Çështjet Evropiane dhe Euroaziatike, Ambasadori Philip T. Reeker zhvilloi sot një vizitë zyrtare në Tiranë. Ai u takua me kryeministrin Edi Rama dhe kryetarin e Partisë Demokratike Lulzim Basha.