“Mos rrezikoni jetën tuaj” Përplasja mes socialistëve të Vlorës, Arben Malaj reagon i revoltuar

Ish-ministri i Financave në qeverinë e PS, Arben Malaj ka komentuar sërish përplasjet mes kryebashkiakut të Vlorës Dritan Leli dhe Këshillit Bashkiak të qytetit bregdetar.

Konkretisht ai i është referuar mbledhjes së sotme të Këshillit Bashkiak, e cila u mbajt përpara teatrit “Petro Marko”.

Malaj e cilëson këtë si protestë, për të treguar nënshtrimin e tyre, dhe jo protestë për qytetarët e Vlorës. Sipas tij kjo është prova e nënshtrimit ndaj pushtetit absolut.

“Kjo komedi eshte prova e nenshtrimit ndaj pushtetit absolut.

Kjo komedi vete-percmuese nuk behet per popullin e Vlores por si prove besnikerie ndaj kujt?? .

Nëse jeni perfaqesues te popullit, per popullin dhe me popullin, perse nuk beni mbledhjen ne rruge bashke dhe per popullin e Panajase, Bestroves dhe Kerkoves qe vuajne per piken e ujit?

Perse nuk beheni me popullin e Llakatundit, Makatit te pare, Mekatit te dyte dhe Beshishtit, dhe shume zona te tjera ku rruget kryesore dhe ato lidhese me aktivitetet e tyre jane me keq se ne disa vende afrikane?

Perse nuk beni mbledhje apo protesta me popullin dhe per popullin e disa lagjeve te Vlores, ku infrastruktura e brendeshme, menaxhimi i ujrave te zeza dhe probleme te tjera jetike jane ne kushte jashtezakonisht te veshtira?

Ju nuk i beni dot sepse i keni mashtruar, sepse te nesermen e zgjedhjeve i braktisni, ju mbyllni telefonat, i denigroni dhe kercenoni te mos ju bezsisin me.

Ju nuk po protestoni per popullin e Vlores, ju po vertetoni sherbimin/nenshtrimin tuaj deri edhe tragji- komedi si kjo sot.”-shkruan Malaj.

Më tej, ish-ministri, ndërsa ndalet edhe tek temperaturat e larta që kanë pushtuar vendin, i drejton edhe një thirrje Këshilltarëve Bashkiakë. Ai apelon që të mos rrezikojnë jetën e tyre, duke qëndruar në kohë të gjatë në diell.

“Te paret tuaj perballuan fashizmin, nazizmin, diktaturat pas viteve 40 dhe 90, ndersa shume prej jush sipas votuesve vlonjate – pa asnje kontribut konkrete te spikatur por thjeshte nga perzgjedhje personale nepotike, dhe krahinore, po demtoni rende kredibilitetin dhe kontributet historike te Vlores dhe Laberise.

Autoritet shendetesore po keshillojne ne media dhe kerkojne qe njerezit ne temperature te larta te mos qendrojne gjate ne diell.

Mos rrezikoni jeten tuaj per besnikeri personal!

Mos ja rritni shqetesimet popullit te Vlores per risqet e temperaturave te larta!

Koha eshte gjykatesja me mire”-përfundon postimin e tij Arben Malaj.