“Më rriti nëna me bukë e kripë, erdhi Audi më vrau pa mëshirë”/ Posterat për familjen Agushi: Hiqe këmbën nga gazi…

Të afërm, miq, të njohur e familjarë të familjes Gushi kërkuan sot drejtësi për katër vitkimat e aksidentit tragjik.

Mes lotësh, të veshur me bluze të stampuara me fotografitë e 4 anëtarëve të familjes, Eduart dhe Silvana Gushi, 44 dhe 33 vjeçe dhe dy vajzat e mitura, Anastasia dhe Eva Gushi ata kanë ngritur postera me shprehje të ndryshme, përmes të cilëve kërkojnë drejtësi.

“Erdhëm me këngë dhe nëna na priti në vaj”; “Do doja të jetoja më shumë me motrën dhe prindërit e mi, por ti më vrave dhe kurrë s’më qave!”; “Hiqe këmbën nga gazi, mund të vdesë fëmija jot nesër!”, “Më rriti nëna me bukë e kripë erdhi audi më vrau pa mëshirë!”, shkruhet në disa prej posterave.