A do ta shkarkojë Ardi Veliun pas ngjarjes në Velipojë? Ja si përgjigjet kryeministri Rama

Kryeministri Edi Rama është pyetur sot nga gazetarët në konferencë nëse Kreu i Policisë së Shtetit Ardi Veliu do të largohet nga detyra pas ngjarjes së rëndë në Velipojë, ku mbetën të vrarë 4 persona.

Sipas Ramës, nëse vendet, shtetet, qeveritë do të niseshin nga raste të tilla për të hequr njerëz, atëherë nuk do të ngelte më askush që të merrte përsipër një detyrë.

Në rastin konkret, sipas Ramës, policia nuk është në një situatë problematike, por drejt një fuqizimi të mëtejshëm. Pra, nuk ka asnjë problematikë më të madhe se ç’kishte përpara këtyre ngjarjeve që kanë ndodhur së fundmi në vendin tonë.

“Nëse i referoheni kësaj ngjarjeje që ka të bëjë me ngrëniet e kokave mes njëri – tjetrit, edhe aty do të shikojmë reagimin e Policisë së Shtetit, kapacitetin e zbardhjes së ngjarjes dhe të ndalimit të autorëve, kështu që nuk është krizë në Policinë e Shtetit për mua’, – u shpreh ndër të tjera Kryeministri Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern