“Fakte skandaloze” Rama paralajmëron “tërmet” në drejtësi, ka dhe një mesazh për mediat

Gjatë deklaratës së tij në konferencën e jashtëzakonshme për mediat, kryeministri Edi Rama mbajti të njëjtën linjë me ministrin e Brendshëm Bledi Çuçi, përsa i përket situatës në vend.

Ai shtoi se Policia e Shtetit nuk dënon, por vetëm reagon dhe ndalon.

Rama iu drejtua dhe mediave, duke i thënë se duhet të bëjnë demaskimin e gjykatësve që nuk zbatojnë detyrën.

PJESË NGA FJALA E RAMËS:

Se di si policia mund të shmangë një aksident apo si Policia mund të gjendet pas mesnate ku bëjnë sherr dy komshi. Përtej dy ngjarjeve, 3 apo 4, që të mos i kufizoj ka gjëra që patjetër duhen kuptuar dhe shfrytëzuar, por një gjë nuk ndryshon, Policia e Shtetit nuk dënon, por reagon dhe ndalon, çon përpara gjykatës persona që shkelin ligjin. Në rast se fjala vjen mund të konsiderohet arsye e një tragjedie fakti që personat e përfshirë kanë armë pa leje dhe armëmbajtja pa leje këtu te ne dënohet rëndë, nuk është policia ajo që çon në burg ata që çon para gjykatës dhe gjykata nuk i dënon as në minimum. Çfarë duhet të bëni ju? Së pari, duhet të bëni demaskimin e gjykatësve se janë fakte skandaloze që ndodhin. Na pëlqen, nuk na pëlqen ne, nuk ka një instrument qeveria që ti bëjë zap. Edhe shumë mirë që nuk e ka. Duhet që të gjithë të bëjnë pjesën e tyre.