Temperaturat e larta në vendin tonë, mjeku Kalo këshillon: Kujdes nga këto ushqime, ja moshat e rrezikuara

Prej ditësh vendi ynë po përballet me temperatura ekstreme të motit. Për këtë arsye, mjeku infeksionist, Tritan Kalo, në një postim në rrjete sociale, ka dhënë disa këshilla se si duhet ta përballojmë këtë kohë.

Sipas tij, muajt e verës janë të mbushura me baktere të shumta, duke shtuar këtu edhe temperaturat e larta, bëhet një rrezik i madh për shëndetin.

Mjeku thotë se moshat më të rrezikuara janë ato ekstreme, pra fëmijët nën 5 vjeç dhe të rriturit mbi 65 vjeç, sidomos ata që vuajnë nga sëmundjet kronike.

Ushqimet e shitura apo të konsumuara sipas mjekut të njohur janë një tjetër rrezik, ndaj ai apelon qytetarët të vetëndërgjegjësohen dhe për çdo problematikë të drejtohen te mjekët.