Tragjike/ Vdes 2-vjeçarja pasi gëlltiti baterinë e pultit të televizorit

Një grua në Angli, ka apeluar të gjitha nënat që të jenë të kujdesshëm me fëmijët, pas tronditjes së madhe që pësoi me humbjen e vajzës 2-vjeçare. Aksidentalisht, vogëlushja e saj gëlltiti baterinë e pultit të televizorit dhe më pas ndërroi jetë.

Harper-Lee Fanthorpe, nga Stoke-on-Trent, Staffordshire, vdiq në datën 23 maj, disa orë pasi gëlltiti baterinë, kjo për shkak të acidit që ka bateria.

Nëna e fëmijës tha se nuk e kuptonte që vajza e saj kishte gëlltitur baterinë derisa gjeti telekomandën me një bateri që mungonte në dhomën e gjumit.

Ajo kujtoi fjalët e fundit të të bijës: ‘Mami, kam nevojë për ty’. Nëna tha se humbja e vajzës së saj kishte krijuar një ‘boshllëk të madh’ në familje.