E rëndë në Durrës/ Tritol me dron biznesit të Lefter Kokës, arrestohet një i dyshuar (EMRI)

Një ngjarje e rëndë ka ndodhur dy ditë më parë në qytetin e Durrësit.

Mësohet se një zyre biznesi që është në pronësi të Lefter Kokës i është vendosur tritol me dron.

Policia ndërkohë ka dhënë një njoftim të shkurtër më parë për ngjarjen, por pa speficikuar metodën e përdorur nga autorët dhe as emrin apo inicialet e deputetit.

Sipas informacioneve, si pasojë e shpërthimit të lëndës eksplozive janë shkaktuar dëme të vogla materiale.

Për ngjarjen është vënë në pranga Gentian Meta, për të cilin Gjykata e Durrësit ka dhënë masën e sigurisë arrest me burg.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Biznesi në fjalë, kantinë vere, menaxhohet nga një person i besuar i Lefter Kokës, ndërkohë që personit të arrestuar iu gjet edhe pulti me të cilin kishte komanduar dronin.

Për hetimin e kësaj ngjarje ka marrë pjesë dhe njësia e antiterrorit në Policinë e Shtetit.

Nga ngjarja nuk ka pasur persona të lënduar.

Policia arrestoi dhe menaxherin e lokalit në pronësi të Metës, të cilit iu gjet një armë zjarri, ndërkohë që dyshimet janë se ngjarja ka ndodhur për shkak të konkurencës.