“Do i dalim zot nipërve dhe mbesave tona pensionistë” Deputeti lë nam, bën gafën në mes të Kuvendit

Ai është një nga deputetët më të komentuar të Kuvendit për deklaratat e herëpashershme që lëshon.

Bëhet fjalë për Selami Jenishehrin, i cili ka arritur të tërheqë vëmendjen edhe sot.

Duke folur gjatë seancës së sotme për shkarkimin e presidentit Ilir Meta, ai bëri një gafë.

Sipas Jenishehrit, koalicioni i tij i drejtuar nga deputeti Kujtim Gjuzi do iu dalë zot, nipërve dhe mbesave të tyre pensionistë, të cilët iu është mohuar e drejta e votimit.

“Koalicion ynë, i drejtuar nga deputeti Kujtim Gjuzi, i është drejtuar Komisionit të Zgjedhjeve për mos të pasur pasoja të tilla për vjedhjet dhe është anashkaluar. Nuk është dhënë përgjigje. Ne do ta çojmë në Gjykatë Kushtetuese. Do iu dalim zot, nipërve dhe mbesave tona pensionist, të cilët iu është mohuar e drejta e votimit. Emigrantët nuk mund t’i blihet votat.”, tha Jenisheri.