LIGJET E BIZNESIT
Deputeti i opozitës së re Kujtim Gjuzi ka reaguar ashpër ndaj presidentit Ilir Meta në seancën e sotme në Kuvend.
Gjatë fjalës së tij, ai i bëri thirrje Kreut të Shtetit që të reflektojë dhe të japë dorëheqjen, madje duke i lënë afat 90 minuta.
“Ke në dorë 90 minuta, një dorëheqje e juaja, ju rikthen në qytetërim, unë jam lojtar i minutës së fundit, e do ta mbaj fletën e votimit aty. Adriatik, ke konflikt interesi që reagon se je nga Skrapari. Unë bëra ndasi midis lavjerrësit majtas e djathtas, por ke dhënë ndihmesë në demokraci, nuk e ke lënë Sali Berishën që të drejtojë 12 vjet. Do të ikësh jo me votën e Parlamentit, por me shtetin e së drejtës për Gjykatën Kushtetuese”, tha Gjuzi.
Ai theksoi se Meta ia bëri borxh shkarkimin me deklaratat e tij me kosa e prerje kokash.
“Më mirë vonë se kurrë, thonë shkodranët. Meta u bë deputet, kryeministër dhe president, ka marrë postet më të larta të shtetit shqiptar. Disa herë i është kërkuar Metës që të tërhiqet.
Pse fut hundët në zgjedhje, pse bën ndasi, pse mbështetet vetëm bashkëshorten tuaj dhe partinë që ajo drejton. E ke bërë borxh shkarkimin. Dorëheqja të rikthen në qytetërim. Mirëpo, ke bërë nder në demokraci, sepse nuk e ke lënë Berishën të drejtojë për 12 vjet. Ti do ikësh përmes Gjykatës Kushtetuese dhe jo me votën e parlamentit”, tha Gjuzi.
