“Do votoj kundër shkarkimit të Metës” Deputeti e tregon hapur: Rama është babai i pushtetit të rrëmbyer

Gjatë fjalës së tij në Kuvend, deputeti i opozitës së re Artur Roshi deklaroi votën kundër shkarkimit të presidentit Ilir Meta.

Gjithashtu ai i bëri thirrje kryeministrit Edi Rama për autokontroll të pushtetit dhe apel kolegëve që të votojnë kundër një precedenti të tillë.

“Sikur mazhoranca të harxhonte kaq shumë energji për zhvillimin ekonomik të vendit, sa po harxhon për shkarkimin e Presidentit të Republikës, vendi nuk do kishte njerëz me shpresë të humbur. Ku janë shkeljet e presidentit? Presidenti i Republikës mund të shkarkohet për rëndë të Kushtetutës dhe kryerjen e një krimi të rëndë. Ku është shkelja e rëndë e Kushtetutës? Ku është krimi i rëndë.

Thonë se është treguar i një anshëm. Po, është treguar i njëanshëm, por nuk do të thotë se nuk ka ruajtur balancën e pushteteve. Thonë se nuk ka pasur figurën e unitetit. Uniteti i të kundërtave ruhet vetëm duke vendosur balancën mes pushteteve, presidenti këtë bëri. Po ju a jeni duku cenuar simbolin e unitetit?! Sjellja e unitetit të kombit është i paprekshëm edhe kur kemi diferenca në gjykime. Thonë që cenoi marrëdhëniet me aleatët strategjik. Nuk besoi se i cenoi më shumë se Rama kur votoi në OKB për çështjen e Palestinës.

Po. Rama sillet si babai i të drejtës, por është babai i pushtetit të rrëmbyer. Iniciativa e shkarkimit të parë të Metës kishte elemente më serioze, këtë herë është si histori partie e trilluar. Ju z.Rama nuk keni asnjë diferencë politike me presidentin. Ajo që vlerësoni ju janë diferencat për pushtetin. Prandaj unë do votoj kundër shkarkimit të presidenti, kundër krijimit të një precedenti të tillë. Prandaj z. Kryeministër ju bëj thirrje për autokontroll të pushtetit. Ftoj kolegët që të bëjnë bilancin e këtij vendimi”, tha ai.