Pasuria i ”ha kokën” gjyqtarit të njohur të Elbasanit, truall, shtëpi dhe miliona lekë të pajustifikuara

Komisioni i Pavarur i Kualifikimit, shpalli ditën e sotme vendimin e shkarkimit nga detyra të gjyqtarit të Gjykatës së Elbasanit, Tomorr Kullolli.

Në seancën e parë dëgjimore e cila u zhvillua në datën 2 qershor, Komisioni konstatoi pamundësi financiare për pasuritë e paluajtshme që zotëron Kullolli; një shtëpi dy katëshe + truall dhe një apartament në Elbasan; si dhe për një apartament tjetër në Tiranë.

Pamundësi financiare u evidentuan po ashtu edhe për krijimin e një gjendje CASH në vitin 2014 dhe për shkollimin e fëmijëve në universitete në Francë dhe Itali në vitet 2015-2016.

Nga analiza financiare e përgjithshme e kryer nga Komisioni i Pavarur i Kualifikimit ka rezultuar pamundësi financiare në shumën 37 milionë e 555 mijë lekë.

Gjyqtari Tomorr Kullolli, gjatë seancës së dytë dëgjimore, të hënën në datën 7 qershor, kundërshtoi të gjithë analizën financiare të KPK dhe kërkoi të konsideroheshin argumentet dhe provat e dorëzuara prej tij, si dhe të rihapej hetimi për dy kriteret e tjera, figurën dhe profesionalizmin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Para shpalljes së vendimit, Valbona Sanxhaktari kryesuesja e trupit gjykues, sqaroi se kërkesat e Kullollit janë gjetur të pabazuara dhe për pasojë janë rrëzuar.