Vr asja e 20-vjeçares në Greqi/ Zbardhet dëshmia e plotë e bashkëshortit të Caroline, çfarë tha ai

xMediat greke kanë publikuar të plotë dëshminë e bashkëshortit të Carolinës, 20-vjeçares britanike e cila u vra në Greqi disa javë më parë. Piloti 33-vjeçar përshkroi me detaje atë që ndodhi që nga momenti kur grabitësit hynë në shtëpi.

“Autorët flisnin mirë greqisht por në një moment flisnin në një gjuhë që të kujtonte bullgarishten ose shqipen”- u shpreh ai.

Më tej, ai rrëfeu edhe momentin kur kuptoi se bashkëshortja e tij kishte ndërroi jetë.

Megjithëse hetimet po vazhdojnë intensivisht, ajo që ndodhi natën e 11 majit brenda shtëpisë së tij në Glyka Nera, ende nuk ka marrë një zgjidhje të plotë.

Dëshmia e plotë e 33-vjeçarit

Ne duhet të kemi fjetur midis orës 01:15 dhe 01:30. U zgjova kur dëgjova një kërcitje nga doreza e derës. Nuk e kuptova se sa ishte ora. Kur hapa sytë, pashë tre burra që hynë në dhomë. Ai m’u afrua me pistoletë dhe para se të më thoshte ndonjë gjë, unë i thashë: Në dhomën e ndenjes ka 10,000 euro. Ju lutemi mos na shqetësoni Pastaj ai e lëvizi Carolinën që të zgjohej, ndërsa kjo e fundit sapo pa grabitësit filloi të bërtiste.

Pastaj autori i dytë me pistoletë e sulmoi atë. Burri i shkurtër shkoi te gruaja ime, e ktheu fytyrën poshtë me një dorezë të mprehtë dhe ia ktheu kokën drejt dyshekut ose jastëkut. Sapo shkova të reagoja, ai futi pistoletën në anën e djathtë të qafës së Caroline, pastaj më hodhi në dysheme. Autorët flisnin mirë greqisht, por në një moment ata folën në një gjuhë që më kujtonte atë bullgarisht ose shqip. Për shkak se më kishin lidhur gojën, në një moment e humba vetëdijen plotësisht. Kur u zgjova nuk dëgjova asgjë.

Nuk e dija sa kohë kishte kaluar, nuk mund ta kuptoja nëse ishte agim apo jo . Njëri nga grabitësit ka buzë të mëdhaja dhe hundë të mprehtë, fytyrë të rrumbullakët dhe të parruar, të zbehtë (jo si e imja, pasi unë jam biond) . E kuptova që ai është mbi 35 vjeç. Ishte rreth 1.70 metra. Kur u ngrita pashë gruan time me fytyrë poshtë në shtrat, e palëvizur. Duart e saj ishin të lidhura pas shpinës me disa rroba dhe vajza jonë ishte pranë saj zgjuar, por ajo nuk po qante. Unë përqafova gruan time dhe vajzën tonë duke qarë dhe pastaj polici më tha “ai është zhdukur, përpiquni të qetësoheni”. Kuptova se ajo kishte vdekur. Unë u shokova, përqafova vajzën time dhe zbrita poshtë.