“E kam mbyllur misionin tim” Vendim i papritur, ish-deputetja e njohur tërhiqet nga LSI

Ish-deputetja e LSI Nora Malaj ka marrë një vendim drastik.

Ajo ka deklaruar se misionin e saj në politikë e ka mbyllur, pasi nuk arriti të fitonte mandatin në zgjedhjet e 25 prillit.

Me këtë ajo ka nënkuptuar se do të jetë më e tërhequr, duke marrë një tjetër rol, atë analizues.

Por pavarësisht kësaj, Malaj tha se nuk mund ta quajë veten të anashkaluar nga LSI, duke thënë se ndihet e vlerësuar prej saj por nuk u votua.

“Politika duhet të jetë e ftohtë e drunjtë për të bërë një analizë të plotë. Deri më tani jemi në momentin e vlerësimit të situatës. Pas krimit zgjedhor po analizojmë të gjithë skenën. Misionin tim politik e kam mbyllur. Kontributi im prej 20 vitesh në politikë ka qenë shumë luajal. Jam ndër të paktat politikane që i kam duart e pastra dhe asnjëherë se kam tradhtuar misionin tim.

Politikës i duhen njerëz me personalitet e të guximshëm. Shtatori do sjellë një qasje tjetër të vendimarrjes politike. E dua forcën politike me të cilën është themeluar dhe skam shanse ta quaj veten te anashkaluar nga kjo forcë. I dhashë mundësitë e mia. Isha e 8 në listë u vlerësova dhe su votova”, tha Malaj për Report Tv.