Pamjet po bëjnë xhiron e botës/ Presidenti Macron goditet me shpullë në fytyrë, ja si ndodhi incidenti

Presidenti i Francës Emmanuel Macron është përballur së fundmi me një situatë jo fort të këndshme.

Ai ndodhej në jug të vendit, teksa u godit me shpullë në fytyrë nga një qytetar.

Forcat e sigurisë së Macron ndërhynë menjëherë.

Sipas asaj që raporton BFM TV dhe radio RMC, dy persona janë arrestuar në lidhje me incidentin.

Situata ndodhi ndërsa Macron ishte për një vizitë në rajonin e Drome në Francën jug-lindore, ku ai u takua me restoratorë dhe studentë për të folur rreth asaj se si jeta po kthehet në normalitet pas epidemisë COVID-19.

Një video që qarkullon në mediat sociale, ku Macron shihet duke ecur drejt një turme dashamirësish që ishin pas një barriere metali.

Presidenti francez zgjati dorën për të përshëndetur një burrë, me një bluzë të gjelbër, me syze dhe një maskë fytyre.

Burri mund të dëgjohej duke bërtitur “Poshtë Macronia” (“A Bas La Macronie”) dhe më pas ai i dha një shuplakë fytyrës së Macron.

Administrata presidenciale tha se kishte pasur një përpjekje për të goditur Macron, por nuk pranoi të komentonte më tej.

Emmanuel #Macron giflé à #Tain par un jeune homme qui semble crier “Montjoie Saint-Denis à bas la Macronie”. Un slogan royaliste donc. pic.twitter.com/fkt46m2RI1

— Maxime Macé (@MaskymMace) June 8, 2021