LIGJET E BIZNESIT
Ditën e sotme në programin “Breaking” gazetari Aleksandër Çipa foli në lidhje me urdhërin e parlamentit që bllokon mediat, duke i përjashtuar nga pjesëmarrja në komisionet parlamentare dhe paraqitja paraprake e pyetjeve të intervistës së deputetëve.
Çipa, i cili është njëkohësisht kryetar i Unionit të Gazetarëve të Pavarur e sheh këtë si një mundësi e premisë për censurim.
Gazetari bën me dije se Unioni i ka dërguar një shkresë zyrtare kryeparlamentarit Gramoz Ruçi për të njohur më në detaje në lidhje me arsyet e kësaj rregulloreje që penalizon mediat dhe gazetarët në misionin e tyre.
“Kjo rregullore shihet si mundësi e premisë për censurim e mohim i së drejtës për t’u informuar. Nëse masat preventive të jenë në të gjitha mjediset të tjera, mendoj se jashtë sallës duhet të kenë mundësinë e komunikimit gazetarët me çdo kënd, deputet”, tha Çipa.
Sipas tij, kjo nuk është një praktikë që ndiqet nga vendet botërore kryesisht. “Nuk është një praktikë e tillë që ndiqet në vendet botërore. Ne nuk duam si gazetarë të privohemi nga mundësia e komunikimit fizik të gazetarëve me deputetët. Mënyra se si është realizuar transmetimi, është bashkëkohore, e njëjta ndodh në Parlamentin britanik, vetëm se aty lejohet se kur kërkohet mundësia e kontaktit me ligjbërësi të mos pengohet. Çështja e zgjidhjes së informacionit që duhet të marrë në mënyrë të pavarur dhe pa kufizime nga reporteri në komisionet parlamentare, sepse ne e dimë se djalli fshihet në detaje”, theksoi Çipa.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
