LIGJET E BIZNESIT
Në mandatin e tretë të qeverisë Rama, ish-ministri i Jashtëm Ditmir Bushati nuk do të jetë më pjesë e Kuvendit.
Pas kontradiktave që pati me kryeministrin Edi Rama, Bushati u la jashtë listës për zgjedhjet e 25 prillit.
Ndërkohë së fundmi, në një intervistë të dhënë për IBNA, Bushati ka folur për herë të parë për këtë temë.
Ai ka zbuluar se do të jetë aktiv në politikë dhe në të ardhmen, edhe pse tashmë jashtë parlamentit.
“Është e vërtetë se nuk do të jem pjesë e parlamentit të ardhshëm dhe ju e dini që parlamenti është vendi më i rëndësishëm ku luhet politika. Sidoqoftë, synoj të vazhdoj me angazhimin tim politik e qytetar në jetën publike duke shpresuar se kontributi im vlen”, tha Bushati.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
I pyetur për një ndër çështjet më sensitive në politikën e jashtme, marrëdhëniet mes Shqipërisë dhe Greqisë që filluan të intesifikoheshin mes tij dhe ish-ministrit të jashtëm grek Kotzias, dhe pse ka mbetur pezull ky proces, Bushati ka një tjetër mendim.
“Nuk është e drejtë të thuhet se gjithë procesi që kemi kryer bashkë me Nikos Kotzias nën mbikëqyrjen e dy kryeministrave të Shqipërisë dhe Greqisë, si një proces që nuk ka dhënë rezultate. Ne kemi punuar shumë në rivendosjen e besimit mes ekipeve përkatëse dhe mes dy vendeve. Besimi është një element i rëndësishëm në marrëdhëniet ndërkombëtare, si në jetën e përditshme. Sigurisht ka ende çështje që duhet të adresohen. Është koha për të lëvizur me guxim dhe vendosmëri. Nevojitet një vizion i ri për të çliruar energji të reja në marrëdhëniet shqiptaro-greke”, tha Bushati sa i përket kësaj çështjeje.
