“U zumë kot…”, zbardhet dëshmia e autorit të vrasjes në Peqin. Ja 44-vjeçari që mbeti i vrarë (Foto)

Zbardhet dëshmia e autorit të vrasjes së 44-vjeçarit Ylber Xhahysa në Peqin, ngjarje kjo që ndodhi mëngjesin e sotëm në fshatin Gjocaj të Peqinit.

Bëhet me dije se 36-vjeçari Leonard Bashaliu, i cili u arrestua pak minuta pas krimit nga policia ndodhet në paraburgim në gjendje tepër të rënduar psikologjike. Ai ka treguar se sherri ka nisur me fjalë dhe më pas përfundoi me armë, teksa motivi duket se është një konflikt i mëparshëm.

“U zumë kot, pasi para 5 vjetësh më ka qëlluar me grusht dhe sot filloi debati me fjalë e përfundoi me përdorim të armës së zjarrit”, janë fjalët e autorit.

Ylber Xhahysa, 44-vjeç pronar i një studio Tv Kabllor në Pajovë Peqin,  mëngjesin e sotëm ka shkuar në fshatin Gjocaj ku ka pasur një sherr me 36-vjeçarin i cili e ka plagosur me armë. Si pasojë e plagëve të marra, Xhahysa ndërroi jetë në spitalin e Peqinit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Reagimi i menjëhershëm i Policisë bëri të mundur jo vetëm identifikimin e autorit, lokalizimin e vendndodhjes dhe pas disa minutash ndjekje nga shërbimet e Policisë por edhe kapjen dhe prangosja e autorit të dyshuar së bashku me armën e zjarrit pistoletë.