“Adriatik Cama ishte në dijeni të thyerjes së masës së sigurisë”/ Breçani: Ekzekutimi i Kudretit mund të ishte parandaluar

Sipas ish-drejtuesit të Policisë së Shtetit, Erzen Breçani vrasja e Kudret Saliaj mund të ishte parandaluar.

Por si? Breçani tha në Open se nëse avokati Adriatik Cama do të lajmëronte policinë, pasi ai e pa Dhurata Saliajn aty dhe e dinte se ajo ishte “Arrest shtëpie”, ngjarja mund të mos merrte pasoja tragjike.

“Duhet të them që gruaja ishte në “arrest shtëpie” dhe dihet që atë ditë e theu këtë vendim gjykate në bashkëpunim me të atin. Kemi neglizhencë edhe të avokatit sepse i ka parë personat që ishin pranë lokalit. Ai e dinte se ajo ishte në arrest shtëpie, duhet të njoftonte policinë. Avokati ka neglizhuar njoftimin e policisë dhe është plagosur. Nëse njoftonte policinë do ishte parandaluar ngjarja tragjike. Ai e di se është mbrojtës i ligjit dhe e di kur thyhet një arrest shtëpie”, tha Erzen Breçani.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern