Tronditet Librazhdi/ Burri vret me sëpatë gruan dhe më pas var veten (EMRAT)

Një  tjetër ngjarje e rëndë është shënuar këtë të hënë në vendin tonë.

Mësohet se në fshatin Dragostunjë të Librazhdit, Qemal Bici rreth 56 vjeç, ka vrarë me sopatë bashkëshorten e tij Menderie Bici rreth 53 vjeçe dhe më pas ka varur veten.

Policia njoftoi se krimi ka ndodhur në banesën e çiftit në rrethana ende të paqarta.

Grupi hetimor nën drejtimin e Prokurorisë ndodhet në vendngjarje dhe po punohet për zbardhjen dhe dokumentimin e plotë të  rrethanave të ngjarjes, thuhet më tej në njoftimin e policisë.

Vrasja e ditës së sotme rrit bilancin tragjik të këtij të muaji, që në 7 ditët e para ka parë 7 vrasje. Tre prej tyre kanë qenë atentate të tipit mafioz e që ende nuk janë zbardhur nga policia.