Ambasadorja e SHBA në vendin tonë Yuri Kim dhe Prokurori i Përgjithshëm Olsian Çela, kanë zhvilluar një takim me koordinatorët e viktimave pranë prokurorive në Pogradec.

Më pas, gjatë një konference për mediat, numri një i diplomacisë amerikane është ndalur dhe te krimet zgjedhore, për të cilat ajo tha se duhet të hetohen dhe shkelësit të dënohen.

“Prokurori i Përgjithshëm dhe unë folëm për vazhdimin e hetimeve të krimeve zgjedhore. Viktimat duhet të marrin atë që i takon dhe shkelësit të dënohen”-tha Yuri Kim.

“Sikurse e tha dhe Prokurori ndodhemi për të takuar kordinatoret të cilët vjnë nga Korça, Elbasani dhe Pogradeci. Koordinatoret luajnë një rol të rëndësishem në Shqipëri për Reformën në Drejtësi. Dua t’ju them se prokurori i Përgjithshëm dhe unë folëm edhe për vazhdimësinë e krimeve zgjedhore. Viktimat duhet të marrin atë që ju përket atyre por dhe shkelësi duhet të dënohet. Gjithashtu folëm për rëndësinë që ka ruajtja e rolit të prokurorëve.” u shpreh Yuri Kim gjatë një prononcimi për mediat.