LIGJET E BIZNESIT
Para pak ditësh rrjeti social Facebook bëri me dije se i ka bllokuar për dy vite llogarinë ish-presidentit të SHBA Donald Trump.
Ndërkohë ky i fundit ka dalë sot me një kërcënim ndaj themeluesit të Facebook, Mark Zuckenberg.
Trump e ka paralajmëruar se kur të jetë sërish president i SHBA, ai nuk do të ketë më darka me Zuckenberg dhe gruan e tij Prishilën në Shtëpinë e Bardhë.
Ai gjithashtu e ka konsideruar vendimin e Facebook si një ofendim për të gjithë qytetarët amerikanë që votuan në zgjedhjet e 2020-ës.
“Vendimi i Facebook është një ofendim për numrin rekord të 75 milionë njerëzve dhe shumë të tjerëve që votuan për ne në zgjedhjet e manipuluara presidenciale të vitit 2020. Ata nuk duhet të lejohen t’ia hedhin paq me censurë të tillë dhe rrjedhimisht ne do të fitojmë. Vendi ynë nuk e duron dot më këtë. Herës tjetër kur unë të jem në Shtëpinë e Bardhë nuk do të ketë më darka, me kërkesën e tij, me Mark Zuckerberg dhe gruan e tij,” tha Trump.
