“BE ka “thyer premtime”! Flitet, por asgjë nuk ndodh”/ Rama për Bild: Anëtarësimi si “Në pritje të Godosë”

Kryeministri Edi Rama në një intervistë ekskluzive për gjermanen,“Bild”, akuzon krerët e shteteve të Bashkimit Evropian për bllokimin e pranimit të Shqipërisë dhe Maqedonisë së Veriut që është vendosur për arsye të populizmit.

“Është një akuzë e hidhur e taktikave të vonimit të shteteve të BE-së! BE ka “thyer premtime” dhe po çon një përçarje në popujt e Ballkanit me “cinizëm politik. Si në historinë “Në pritje të Godosë”, thotë Rama në një artikull ekskluziv për BILD.

“Vetëm flitet, por asgjë nuk ndodh! Ishte një ambicie e dashur për shumë kohë nga kombet tona, Shqipëria dhe Maqedonia e Veriut për t’u bashkuar me Bashkimin Evropian dhe kështu t’u mundësojnë qytetarëve tanë të përfitojnë nga një treg i lirë dhe të marrin pjesë në këtë demokraci të madhe.

Më lejoni të bëj të qartë diçka: si Kryeministër i Shqipërisë, unë e njoh plotësisht që ne nuk jemi gati të anëtarësohemi në Bashkimin Evropian sot, as Maqedonia e Veriut ose pjesa tjetër e Ballkanit Perëndimor.

Ka shumë kërkesa që ne duhet të plotësojmë në mënyrë që të bëhemi anëtar. Por dy kombet tona, Shqipëria dhe Maqedonia e Veriut, kanë përmbushur të gjitha dhe më shumë kushtet e nevojshme për të filluar me të vërtetë procesin e negociatave me Brukselin. Një fillim i tillë i negociatave u vendos gjithashtu nga vetë Këshilli i BE në 2018”, ka thënë Rama.