Aksident i rëndë në Fier/ Autoshkolla përplas nënë e bijë

Një makinë në aksin rrugor Fier -Kallm ka aksidentuar nënë e bijë mëngjesin e sotëm.

Nga informacionet paraprake thuhet se ka qenë një mjet autoshkollë e cila ka përplasur dy kalimtaret dhe një motor.

Nënë e bijë janë dërguar në spitalin e Fierit me plagë në trup, ndërsa nuk dihet gjendja e tyre shëndetësore.

Fier/Informacion paraprak

Sot rreth orës 08:30, në afërsi të fshatit Kallm, shtetasi V. N., 65 vjeç, banues në Roskovec, duke drejtuar mjetin tip “Benz“, është përplasur me motomjetin tip “Xiang”, që drejtohej nga shtetasja N. S., 19 vjeçe, banuese në Kallm.

Si pasojë e përplasjes është dëmtuar drejtuesja e motomjetit dhe nëna e saj, pasagjere në motomjet, shtetasja A. S., 56 vjeçe, të cilat ndodhen në spitalin e Fierit nën kujdesin e mjekëve.

Eshtë shoqëruar në Komisariat drejtuesi i makinës dhe po kryhen veprimet procedurale.

Grupi hetimor po punon për zbardhjen e rrethanave të aksidentit.