Zbulohet emri/ Ja kush është i riu shqiptar që vr au patriotin e tij në Gjermani, sherri filloi në semafor

Rinor Z dyshohet se është autori i vrasjes së shqiptarit nga Kosova, Armin Neziri. Kjo ngjarje ndodhi në Hannover të Gjermanisë.

Bëhet me dije se edhe Rinori, është po ashtu shqiptar i Kosovës. Ai po drejtonte një mjet të llojit “Mercedez Benz”, në momentin që është ndaluar në semafor, paralelisht me Armin Nezirin, i cili ndodhej në një makinë.

Të rinjtë janë përfshirë në një konflikt për motive ende të pazbardhura. Në debat e sipër, Rinor Z. ka nxjerrë armën dhe ka qëlluar në drejtim të kosovarit Neziri, duke e lënë të vdekur.

Policia gjermane e ka shpallur atë në kërkim.

I ndjeri nuk ihste një emër i panjohur për policinë, pasi në vitin 2017 ka qëlluar një 25-vjeçar.

Ai u dorëzua pas një dite, mirëpo u la i lirë katër javë më vonë. Asokohe, kishte dyshime se mund të kishte mosmarrëveshje për pazare droge apo prostitucioni.