U plagos te Ish-Ekspozita/ Ja gjendja e ish-prokurorit të “21 Janarit”, aktualisht avokat mbrojtës i Nevaldo Hajdarajt

Vijojnë të dalin detaje të reja nga ngjarja e rëndë që tronditi Tiranën mesditën e sotme.

Nje person mbeti i vrarë afër Gjykatës së Rrethit, dhe u plagos ish-prokurori i “21 Janarit” Adriatik Cama, aktualisht avokat i efektivit Nevaldo Hajdaraj, që vrau të riun Klodian Rasha.

Mësohet se Cama ndodhet në spital, jashtë rrezikut për jetën.

Dyshimet janë se ngjarja ka ndodhur për shkak të konflikteve familjare, ku babai Mexhit Picari ka vrarë dhëndrin e tij Kudret Saliaj në proces divorci, dhe ka plagosur Camën.

NJOFTIMI ZYRTAR I POLICISE

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Tiranë/Informacion paraprak
Rreth orës 11:50, në bulevardin “Gjergj Fishta” dyshohet se shtetasi M. P. ka vrarë me armë zjarri shtetasin K. S. ( ish-bashkëshortin e vajzës) dhe si pasojë e të shtënave është plagosur dhe shtetasi A. C., i cili ndodhet jashtë rrezikut për jetën.
Shërbimet e Policisë vijojnë krehjen e zonës për kapjen e autorit të dyshuar, shtetasi M. P.
Janë ngritur pika kontrolli në hyrje dhe dalje të qytetit të Tiranës.
Grupi hetimor, në bashkëpunim me Prokurorinë, po punon për sqarimin e rrethanave të ngjarjes.