Media britanike: 10 të dyshuar për vrasjen e 20-vjeçares në sy të foshnjes

Një artikull i publikuar nga “The Sun” lidhur  me vrasjen e Caroline nga grabitësit në shtëpinë e saj në sy të foshnjes, shkruan se policia ende nuk ka arritur të bie në gjurmët e autorëve ndonëse kanë kaluar disa javë nga vrasja.

Raporti që mban foton e nënës së re, ka një rrëfim të bashkëshortit të së ndjerës i cili shprehet se “Policia dështoi, shpresat po zbehen”.

Ndërkohë,  eksperti Apostolos Lytras thekson se nuk ka shumë prova për të çuar drejt zbardhjes së kësaj ngjarje.

“Asnjë mostër e ADN-së ose gjurmët e gishtërinjve nuk u gjetën, gjë që nuk e ndihmon kërkimin pasi nuk ka shumë prova. “Diçka nuk shkon”, shprehet ai.

Gazeta britanike raporton po ashtu se autoritetet janë përqëndruar në dhjetë kriminelë të dyshuar nga vende të ndryshme.

“Është një rast i dyshimtë. Do të na duhen më shumë sesa e kishim menduar për të gjetur autorët”, u shpreh një oficer i policisë greke.