Emocionuese/ Aguero i dhuron makinën super luksoze punëtorit i cili rregullonte fanellat e lojtarëve te City

Publikohet videoja e Sergio Agueros duke i dhuruar makinën e tij të re në ditën e tij të fundit të stërvitjeve, një personi i cili ka punuar në larjen dhe bërjen gati të fanellave të lojtarëve të Manchester City-t.

Përpara se të largohej nga Etihad pas 10 sezonesh të suksesshme, Aguero u dha rreth 60 dhurata bashkëlojtarëve, punëtoreve dhe stafit të City-t.

Ndër dhuratat e Agueros kishte shumë ora të çmuara Hublot ose Tag Heuer të gravura për të shprehur falënderimet e tij për gjithë punën e tyre të vështirë përgjatë një dekade.

Gjithashtu Aguero i bëri një dhuratë tepër të vlefshme të një veture të tipit Range Rover Evoque dhe kjo u fitua nga një punëtor i klubit që merrej me bërjen gati të fanellave të lojtarëve.

Tashmë, është pubikuar edhe video ku shihet Aguero duke e dorëzuar makinën tek punëtori, video e kompletuar edhe me një përqafim të ngrohtë që tërhoqi zemrat e tifozëve të Cityt.