Kërkon 9 mijë euro për të kënduar nëpër dasma? Reagon ashpër këngëtarja Remzie Osmani

Remzie Osmani është një nga këngëtaret më të njohura dhe më të dashura për publikun shqiptar.

Së fundmi, në rrjetet sociale ka qarkulluar një lajm, sipas të cilit artistja pranon të këndojë në dasma, vetëm nëse i ofrohen të paktën nëntë mijë euro.

Osmani e cilëson një lajm të tillë si të pavërtetë cili ka për qëllim të dëmtojë imazhin dhe reputacionin e saj. Ajo shkon edhe më tej kur thotë se këtë çështje do ta ndjekë juridikisht.

Postimi i plotë:
Reagim ndaj shpifjeve që janë bërë ndaj meje nga disa portale!
Në ditët e fundit, disa portale ‘online’ kanë publikuar lajme të pavërteta, se kinse unë paskam thënë se këtë vit do të këndoj në dasma vetëm për shumën 9 mijë euro. Me përgjegjësi dhe sinqeritet të plotë ju them se publikimet e tilla janë plotësisht të pavërteta dhe nuk qëndrojnë. Këto publikime bëhen për klikime dhe përfitime pasurore të këtyre portaleve, si dhe me qëllim të dëmtimit të imazhit dhe reputacionit tim që kam krijuar për shumë vite si këngëtare.

Publiku i cili ka qenë besnik në rrugëtimin tim dhe më ka mbështetur që tre dekada, është i vetëdijshëm se këto lajme janë të pavërteta, sepse sinqeriteti dhe integriteti profesional e personal janë vlera qe më kanë përcjellur në vazhdimësi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

I falenderoj mediat dhe portalet e mirëfillta që nuk kanë rënë pre e këtyre dezinformatave dhe lajmeve të rreme të publikuara nga disa portale apo faqe në mediat sociale, të cilat janë të krijuara vetëm për publikimin dhe shpërndarjen e lajmeve të rreme.
Me qëllim që këto shpfije të ndalen, unë kam angazhuar zyrën e avokatëve “Hodaj & Partners” nga Prishtina, të cilët tani e tutje do të paraqesin pranë gjykatave dhe organeve kompetente çdo portal apo subjekt tjetër i cili publikon lajme të pavërteta për mua.

Top Channel