Banka e Shqipërisë miraton mënyrën e re të llogaritjes së fiksit të kursit të këmbimit të Lekut

Banka e Shqipërisë ka bërë të ditur se në mbledhjen e saj të fundit ka miratuar mënyrën e llogaritjes së fiksit të kursit të këmbimit të Lekut.

Sipas njoftimit, ndryshimet e rregullores ekzistuese vijnë me synimin kryesor zhvillimin e tregut të derivativëve në Shqipëri si instrument mbrojtës ndaj rrezikut të kursit të këmbimit si dhe rritje e transparencës në tregun valutor.

Ndryshimet kryesore konsistojnë në:

• Zgjerimin e bazës së pjesëmarrjes së bankave tregtare me 4 banka duke zëvendësuar zyrat e këmbimit valutor si dhe publikimin e 10 bankave pjesëmarrëse të “Fiksit” në faqen zyrtare të internetit të Bankës së Shqipërisë;
• Publikimin nga ana e Bankës së Shqipërisë  të çmimit “Bid” dhe “Ask” që përfaqësojnë çmimin mesatar me të cilin sistemi bankar është i gatshëm të blejë dhe shesë dollarin amerikan dhe euron kundrejt lekut;
• Standardizimin e shumës së tregtimit në tregun ndërbankar.

Banka e Shqipërisë çdo ditë pune në mesditë publikon fiksin e kursit të këmbimit. Ky kurs shërben si një normë orientuese për tregun, ndërsa përdoret nga bizneset dhe institucionet si normë zyrtare për këmbimin e valutave me monedhën vendase në transaksionet dhe faturat e shit-blerjes./Monitor/

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern