Tragjike/ 34-vjeçari lidh djalin, e torturon dhe e lyen me mjaltë për ta pickuar bletët

Një ngjarje e rëndë është regjistruar këtë të mërkurë në Egjipt. Një 34-vjeçar lidhi fëmijën e tij dhe më pas e leu me mjalt në mënyrë që ta pickonin sa më shumë bletë.

34-vjeçari mori këtë vendim si formë dënimi për të miturin për shkak se ky i fundit vodhi disa gjëra nga fqinji i tij. I mituri i identifikuar si Muhamed D., u gjet i shtrirë përtokë me duart të lidhura pas shpinës, ndërsa insektet kishin pushtuar trupin e tij.

Ndërkohë, 34-vjeçari, emri i të cilit nuk është bërë i ditur, u arrestua për veprimin e tij.

Mediat në Egjipt shkruajnë se nëna 29-vjeçare e të miturit u tmerrua kur pa se si djali i saj po ndëshkohej dhe kërkoi ndihmë nga ekipi lokal i shpëtimit.

Autoritetet mjekësore thonë se Muhamedi ishte në një gjendje “të mjerueshme”, ndërsa nuk dihet ende gjendja e tij shëndetësore.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern