Keni planifikuar pushime në Turqi? Ja kriteret që duhet të plotësoni, kur nuk është i nevojshëm testi

Kompania e fluturimeve “Air Albania” ka bërë me dije një njoftim të rëndësishëm.

Ajo ka shpjeguar kushtet që duhet të plotësojnë qytetarët që do të udhëtojnë nga Shqipëria për në Turqi dhe anasjelltas.

Mësohet se duke nisur nga data 31 maj (dita e hënë), nuk duhet të kryejnë test PCR të gjithë ata pasagjerë që vërtetojnë se janë vaksinuar 14 ditë para hyrjes në Turqi dhe ata pasagjerë që vërtetojnë me anë të një dokumenti se e kanë kaluar Covidin në 6 muajt e fundit.

Më tej thuhet se ata pasagjerë që nuk janë vaksinuar ose nuk e kanë kaluar Covidin në 6 muajt e fundit, duhet të kenë kryer testin PCR 72 orë para nisjes ose testin e shpejtë antigjen 48 0rë përpara fluturimit.

Vera është një nga periudhat e vitit ku shqiptarët shtojnë fluturimet e tyre drejt Turqisë, kryesisht për qëllime turizmi.