LIGJET E BIZNESIT
Pas pandemisë C OVID19 që pushtoi botën prej më shumë se një viti, një tjetër lajm jo fort i mirë vjen së fundmi nga Kina.
Qeveria vendase ka njoftuar se një person është prekur nga një variant i ri i gripit të shpendëve, virusit H10N3.
Sipas tyre është hera e parë që ndodh një gjë e tillë.
Pacienti mësohet se është shtruar në spital me 28 prill dhe është në gjendje të qendrueshme
Bëhet fjalë për një 41 vjeçar nga qyteti Zhenjiang.
Komisioni Kombëtar kinez i Shëndetit insistoi se infektimi është një transmetim aksidental midis specieve dhe se rreziku i përhapjes së kësaj sëmundjeje mes njerëzve, është i ulët”. Sipas Organizatës së Ushqimit dhe Bujqësisë të Kombeve të Bashkuara, gripi i shpendëve H7N9 ka infektuar 1,668 njerëz që prej vitit 2013. 616 prej tyre kanë vdekur.
Epidemia e fundit njerëzore nga gripi i shpendëve H7N9 ka ndodhur në Kinë nga fundi i vitit 2016 deri më 2017. Kina po përballet së fundi me një ripërtëritje të akuzave se Sars Covd 2 ka dalë nga laboratori i patogjenëve në Ëuhan dhe se autoritetet atje u përpoqën ta fshihnin sëmundjen. Instituti i Virologjisë në qytetin ku nisi pandemia është një qendër hulumtuese e sigurisë së lartë, që studion patogjenet në natyrë, të cilat kanë potencial të infektojnë njerëzit me sëmundje të reja ekzotike dhe vdekjeprurëse.
Laboratori ka zhvilluar hulumtime të gjera për viruset që kalojnë nga lakuriqët e natës që prej shpërthimit të SARS-CoV-1, i cili nisi në Kinë, në 2002, dhe i mori jetën 774 personave në mbarë botën.
Burimi: Reuters
